Gumawa ng kasaysayan ang Filipino Valorant player na si Patrick “PatMen” Mendoza matapos magtala ng record-high na 516 average combat score (ACS)—ang pinakamataas sa isang mapa sa buong Valorant Champions Tour (VCT).

Nagawa ito ni Mendoza sa unang mapa ng laban ng Global Esports kontra DetonatioN FocusMe (DFM) noong Pebrero 1, matapos kumolekta ng 32 kills, limang deaths at apat na assists. Gayunman, hindi nasundan ng panalo ang kanyang record performance dahil na-reverse sweep ang Global Esports at bumagsak sa lower round, na may huling tsansa para makapasok sa Valorant Masters Santiago.

Hindi rin pinalad ang iba pang koponang may Pinoy players sa VCT Pacific Kickoff. Tinalo ng DFM ang Team Secretnina JessieVash, kellyS, at coach Rbtx, 0-2. Isang buhay na lang ang natitira sa Team Secret sa torneo.

Natalo rin ang Paper Rex na may Filipino player na si Adrian “invy” Reyes, matapos yumuko sa RRQ ng Indonesia, 0-2, at bumaba sa middle round.

Maghaharap ang Team Secret at Zeta Division sa isang do-or-die match sa Pebrero 5, habang lalaban ang Global Esports sa Pebrero 7 kontra sa mananalo sa Gen.G vs VARREL. Samantala, sasabak ang Paper Rex laban sa T1 sa Pebrero 6 upang manatiling buhay sa torneo.

Muling sasabak sa WTA Tour si Alex Eala sa pagsisimula ng WTA500 Mubadala Abu Dhabi Open, kung saan makakaharap niya sa Round 1 ang kaibigang si Zeynep Sonmez ng Turkey sa Zayed Sports City.

Ito ang ikatlong pagtutuos ng dalawa, at may 2-0 bentahe ang 20-anyos na Filipina matapos manalo sa France (2023) at England (2025). Kasalukuyang WTA No. 49, dadating si Eala sa Abu Dhabi na mataas ang kumpiyansa matapos ang solidong kampanya sa WTA125 Philippine Women’s Open, kung saan umabot siya sa quarterfinals.

Bagamat dikdikan ang field—pangungunahan ng defending champion na si Belinda Bencic—umaasa ang kampo ni Eala sa malalim na takbo, lalo’t maganda ang simula niya sa 2026 season, kabilang ang semifinal finish sa Auckland at historic main draw debut sa Australian Open.

Bukod sa singles, lalaro rin si Eala sa doubles, katuwang ang Indonesian player na si Janice Tjen, sa layuning ipakita ang lakas ng SEA tennis sa international stage.

Matapos ang kanilang makasaysayang ginto sa Southeast Asian Games, wala nang pahinga ang ating Philippine Women’s Football Team o ang Filipinas! Re-assembled na ang mga idolo natin para sa kanilang buildup sa darating na AFC Women’s Asian Cup ngayong Marso.

Island Vibes bago ang Bakbakan Bago sumabak sa init ng laban sa Australia, magkakaroon muna ang team ng 10-day training camp sa Balesin Island. Ayon kay PFF President John Gutierrez, deserve ng mga girls ang kaunting rest and recreation sa isla habang nagpapakondisyon sa kanilang FIFA-certified field.

“Reward ito para sa kanila matapos ang SEA Games win, at para na rin ma-seclude sila habang naghahanda,” ani Gutierrez.

Aussie Tour: The Real Test Mula Balesin, diretso na ang Filipinas sa Australia (March 1-21) para sa ilang tune-up matches laban sa dalawang first-division clubs doon. Ito ang magsisilbing preparasyon nila para sa Group A matches laban sa hosts na Australia, South Korea, at Iran. Target ng team? Ang slot para sa FIFA Women’s World Cup!

Football Fields para sa Lahat? Bukod sa laban ng Filipinas, may magandang balita rin para sa mga batang Pinoy footballers. May grant na $3.6 million hanggang $3.7 million mula sa FIFA at AFC para magtayo ng mga football fields sa buong Pilipinas.

Nakikipagtulungan na ang PFF sa Philippine Sports Commission (PSC) para makahanap ng mga lupang pag-aari ng gobyerno at SUCs (State Universities and Colleges) na pwedeng tayuan ng mga training centers.