Sports

Pacman, nasa LA para sa Big Reveal ng Comeback sa Ring!

Published

5 months ago

May 20, 2025

Balik-ring na si Manny “Pacman” Pacquiao! Sa edad na 46, muling sasalang ang Pambansang Kamao sa pro boxing, apat na taon matapos ang kanyang huling laban.

Dumating siya sa Los Angeles kasama ang kanyang pamilya at entourage para sa isang press conference ngayong linggo kung saan opisyal niyang iaanunsyo ang laban kontra sa reigning WBC welterweight champion na si Mario Barrios.

Matatandaang huling lumaban si Pacquiao noong Agosto 2021 laban kay Yordenis Ugas ng Cuba, kung saan siya natalo via unanimous decision. Mula noon, nagtuloy-tuloy siya sa ilang exhibition matches—laban kay Korean vlogger DK Yoo (2022) at Japanese kickboxer Rukiya Anpo (2025). Pero ngayon, balik sa pro fight si Pacman!

Ang kanyang magiging ika-73 na laban ay sa isang mas batang kalaban: si Barrios (30 y/o, 5’9”), na may record na 29 panalo, 2 talo, at 18 knockouts. May lamang ito sa edad, tangkad, at aktibong karera.

Pero hindi nagpahuli si Pacquiao. Viral sa social media ang videos niyang nagbubuhos ng pawis sa training — hitting mitts at bags, handang-handa para sa labang inaabangang mangyayari sa Hulyo sa Las Vegas.

Ayon kay Buboy Fernandez, kaibigan at trainer ni Pacquiao, “We can train hard for this fight. Very important fight.”

Pinayagan na rin ng WBC ang kanyang comeback, at inilagay pa siya sa Top 5 contender para sa titulo ni Barrios.

Usap-usapan din ang posibleng reunion nila ni Freddie Roach sa Wild Card Gym, pero wala pa itong kumpirmasyon.

Isang bagay ang malinaw: handa na si Pacman para sa isang matinding pagbabalik!

Sports

Van Sickle Family, Bida sa Panalo ng Petro Gazz sa PVL Opener!

Published

6 hours ago

October 10, 2025

pulse_ph

Parang family affair ang naging laban ng Petro Gazz Angels matapos nilang durugin ang Galeries Tower sa straight sets, 25-21, 25-19, 25-14, sa pagbubukas ng Premier Volleyball League Reinforced Conference sa Dasmariñas, Cavite.

Nanguna si Brooke Van Sickle na may 14 points, habang ama niyang si Gary Van Sickle ang tumayong head coach at ina niyang si Lisa ang assistant coach—isang tagpo na tinawag ni Brooke na “full circle moment.”
“Masaya akong makasama ulit ang mga magulang ko sa court. Susulitin ko ang bawat laro at puntos,” aniya.

Ayon kay Coach Gary, naging mabagal ang simula ng team pero bumawi sila bilang isang solidong grupo.

Bumida rin si Lindsey Vander Weide na may 13 points sa kanyang pagbabalik sa koponan na tinulungan niyang magkampeon tatlong taon na ang nakalipas. “Malalim ang lineup namin—kahit sino puwedeng pumasok at mag-ambag,” sabi ng dating Best Foreign Player ng 2022.

Nag-ambag din ng 12 puntos si MJ Phillips na kakabalik lang mula sa kanyang Alas Pilipinas stint.

Ang panalo ay unang hakbang ng Angels sa hangaring mabawi ang kampeonato, habang nasira naman ang debut ni Godfrey Okumu bilang bagong head coach ng Galeries Tower.

Sports

AJ Lim Namayagpag sa PCA Open, Nakamit ang Ikaapat na Titulo Bago ang SEA Games

Published

22 hours ago

October 9, 2025

pulse_ph

Handa si AJ Lim para sa Southeast Asian Games sa Disyembre matapos niyang muling maghari sa men’s singles ng PCA Open sa Paco, Maynila nitong weekend. Tinalo niya si Jed Olivarez sa straight sets, 6-2, 6-1, 6-4.

Ito na ang ikaapat na beses na nasungkit ni Lim ang kampeonato sa torneo, at nag-uwi rin siya ng ₱200,000 bilang pangunahing premyo.

Ipinagmamalaki ni Jean Henri Lhuillier ng Cebuana Lhuillier ang tagumpay ni Lim, na aniya’y patunay ng disiplina, dedikasyon, at pusong Pilipino na bumubuhay sa diwa ng Philippine tennis.

Sports

CEU Handang Magpasiklab sa Pagbubukas ng UCAL Season 8 sa Street Dance Showdown

Published

1 day ago

October 9, 2025

pulse_ph

Host school na Centro Escolar University (CEU) ang nakatakdang maghatid ng isang di-malilimutang pagbubukas ng PG Flex-Universities and Colleges Athletic League (UCAL) Season 8. Ipapamalas ng defending champions ang kanilang husay habang hinahangad nilang depensahan ang korona sa street dance ngayong araw sa FilOil EcoOil Centre sa San Juan City.

Pagkatapos ng maikling opening ceremony sa ganap na ika-11 ng umaga, mapupunta ang spotlight sa siyam na kalahok na paaralan. Bawat koponan ay inaasahang magpapakita ng sigla, malikhaing galaw, at kakaibang estilo sa isa sa pinakaaabangang tampok ng pagbubukas ng UCAL.

Ngunit nakatuon ang lahat ng atensyon sa CEU Scorpions na determinado sa panibagong kampeonato. Ipinapakita ng kanilang matinding paghahanda ang hangarin nilang magtagumpay din sa iba pang sports, kabilang ang basketball, matapos silang mabigo sa three-peat bid noong nakaraang season.