Entertainment

Nina, Excited sa Bagong Role bilang ‘Juke Boss’ ng Sing Galing!

Published

11 months ago

February 5, 2025

Walang pagdadalawang-isip si Asia’s Diamond Soul Siren Nina nang ialok sa kanya ang pagiging bagong “Juke Boss” ng TV5’s Sing Galing. Bukod sa pagiging malaking honor ito para sa kanya, masaya rin siyang mapabilang sa show na minsang naging tahanan ng kanyang dating manager na si Randy Santiago.

Super excited si Nina nang malaman niyang magiging bahagi siya ng panel ng Sing Galing, kung saan makakasama niya ang soul icon na si Ella May Saison bilang isa sa mga hurado.

“Bilang singer, nakakatuwa kapag pinili kang maging judge sa isang singing contest dahil pwede mong i-share ang expertise at kaalaman mo sa pagkanta,” ani Nina sa isang exclusive interview.

Bagamat first time niyang maging hurado sa isang karaoke game show, hindi siya nag-alinlangan sa bagong role. Malaki kasi ang tiwala niya sa Sing Galing, lalo na’t unang naniwala sa kanya bilang singer si Tito Randy. “Siya ‘yung unang nagsabi na ‘Magaling ‘to kumanta.’ Kaya alam kong magiging masaya ito at aalagaan nila ako.”

Isa sa pinaka-importanteng lesson na natutunan niya mula kay Santiago ay ang pagiging chill sa entablado. “Enjoy every moment when you’re singing. ‘Wag masyadong ma-stress, dahil ito ang ginawa mong gawin.”

Bilang Juke Boss ng Sing Galing Season 3, na magsisimula ngayong Marso sa TV5, bibigyan ni Nina ng expert insights at critiques ang mga contestant.

Ano nga ba ang hinahanap niya sa isang mahusay na singer? “Importante sa akin kung paano nila bibigyan ng kahulugan ang kanta. Bonus na ‘yung bumibirit, pero kahit hindi bumirit, dapat naiintindihan at nararamdaman nila ‘yung kinakanta nila.”

Dahil Sing Galing ang topic, natanong din si Nina kung mahilig ba siyang mag-karaoke. Ang sagot niya? “Naku, pag nakuha ko na ang mic, wala nang makakaagaw! Haha! Kahit gusto mong kumanta, kumuha ka na lang ng ibang mic. Sa akin na ‘to, may pangalan ko na ‘to! Haha!”

Concert Mode ON!

Bukod sa Sing Galing, busy rin si Nina sa nalalapit niyang Love Matters concert sa New Frontier Theater sa Peb. 7. Sunod niyang dadalhin ang kanyang musika sa Sydney (Peb. 14), Melbourne (Peb. 16), at Perth (Peb. 21).

Sa kanyang concert, sasamahan siya ng isang 16-piece orchestra—isang first para sa kanya. “It’s going to be pure magic—light and music, no LED,” ani niya.

Pagdating sa musika, malaki ang naging papel nito sa buhay ni Nina. “Music can really be therapy, whether masaya o malungkot ka,” aniya.

Isa sa pinaka-rewarding na pakiramdam para sa kanya ay ang makita ang saya ng audience tuwing siya’y kumakanta. “Ang sarap marinig ‘pag sinasabi nilang, ‘Napapasaya mo ako. Ikaw ang soundtrack ng college life ko.’ Nakaka-inspire ‘yun para ipagpatuloy ko ang passion ko sa musika.”

Mukhang all-out ang 2024 para kay Nina—mula Sing Galing hanggang concert stage, siguradong marami pa siyang pasabog na dapat abangan!

Entertainment

‘Bridgerton’ Season 4, Inilunsad sa Paris na may “Cinderella with a Twist”!

Published

7 hours ago

January 15, 2026

pulse_ph

Opisyal nang inilunsad sa Paris ang ikaapat na season ng hit Netflix series na “Bridgerton,” na inilarawan ng bida na si Yerin Ha bilang isang “Cinderella with a twist.” Dinagsa ng daan-daang fans ang Palais Brongniart na ginayakan sa mga kulay at temang hango sa serye.

Umiikot ang bagong season sa Benedict Bridgerton (Luke Thompson), ang ikalawang anak ng makapangyarihang pamilya, at sa misteryosang si Sophie Baek na kanyang iniibig—na lingid sa kanya ay isang hamak na katulong, gaya ng kuwento ni Cinderella. Ayon kay Yerin Ha, ito ay kwento ng class struggle at bawal na pag-ibig, hindi isang tipikal na fairy tale.

Mapapanood sa Netflix simula Enero 29, tatalakay ang season sa mas mabibigat na isyu gaya ng ugnayan ng maharlika at mga katulong, seksuwal na karahasan, kapansanan, at sekswalidad ng kababaihan sa mas huling yugto ng buhay. Gaganap bilang malupit na madrasta ni Sophie si Katie Leung, na kilala bilang Cho Chang sa Harry Potter.

Batay sa mga nobela ni Julia Quinn, nananatiling isa sa pinakapinapanood na serye ng Netflix ang Bridgerton mula nang ilunsad ito noong 2020. Nakumpirma na rin ang Season 5 at 6, ikinatuwa ng mga tagahanga.

Entertainment

Becky Armstrong, Bagong Nanno sa Reimagined na “Girl From Nowhere”

Published

15 hours ago

January 15, 2026

pulse_ph

Ipinakilala na si Thai-British actress Becky Armstrong bilang bagong Nanno sa reimagined series na “Girl From Nowhere: The Reset.” Mula sa sikat na tambalang FreenBecky, haharap si Becky bilang misteryosang estudyanteng kilala sa sarili niyang paraan ng paghahatid ng hustisya.

Sa Instagram post niya noong Enero 14, ibinahagi ni Becky ang unang larawan niya bilang Nanno at sinabing ito ang “bagong bata, bagong katawan, at bagong uniberso.” Ayon sa ulat ng Bangkok Post, ang serye ay standalone at hindi direktang pagpapatuloy ng orihinal—bagkus ay may hiwalay na timeline at bagong cast.

Mapapanood ang “Girl From Nowhere: The Reset” sa Channel 31 ng Thailand simula Marso. Ang orihinal na serye ay pinagbidahan ni Chicha “Kitty” Amatayakul, na unang ipinalabas noong 2018 at nagkaroon ng ikalawang season sa Netflix noong 2021.

Sumikat si Becky bilang kalahati ng FreenBecky kasama si Freen Sarocha sa GL series na “Gap” noong 2022.

Entertainment

‘Girl from Nowhere’ Magbabalik sa ‘Reset,’ May Bagong Nanno?!

Published

1 day ago

January 14, 2026

pulse_ph

Nagkagulo ang fans ng Thai thriller series na Girl from Nowhere matapos i-tease ang pagbabalik nito—kasama ang posibilidad ng isang bagong Nanno.

Noong Enero 12, naglabas ang opisyal na social media pages ng serye ng poster ng isang estudyanteng naka-iconic na uniporme at hairstyle ni Nanno, ngunit nakatalikod sa kamera. Sa caption, ipinahiwatig ang bagong yugto ng kuwento: “New kid, new body, new universe. But the Nanno inside is still the same.”

Kinumpirma rin sa Facebook intro ng serye ang pamagat at petsa ng pagbabalik: “Girl From Nowhere: The Reset,” na ipapalabas sa Marso 7, 2026.

Dahil dito, umugong ang espekulasyon na may bagong aktres na gaganap bilang Nanno. Lalong lumakas ang hinala matapos lumabas ang naunang poster na tampok ang Thai-British GL star na si Becky Armstrong.

Orihinal na ginampanan ni Chicha “Kitty” Amatayakul si Nanno, na nagtapos ang kanyang kuwento sa ikalawang season noong 2021. Ngayon, handa na ang serye na pumasok sa isang bagong uniberso—na siguradong susubaybayan ng fans.