Connect with us

News

Gaza City at Paligid, nasa Panganib ng Malawakang Taggutom!

Published

on

Ayon sa Integrated Food Security Phase Classification (IPC), opisyal nang nakararanas ng famine ang Gaza City at mga karatig-lugar at maaaring kumalat sa iba pang rehiyon sa susunod na buwan. Tinukoy ng assessment noong August 22 na nasa 514,000 ang taong nakakaranas ng matinding kakulangan sa pagkain, halos isang-kapat ng populasyon ng Gaza, at posibleng tumaas sa 641,000 pagsapit ng katapusan ng Setyembre.
Sa hilagang rehiyon na kinabibilangan ng Gaza City, tinatayang 280,000 tao ang nasa sitwasyong famine na bunga ng halos dalawang taon ng digmaan sa pagitan ng Israel at Hamas. Ito rin ang unang pagkakataon na naitala ang famine ng IPC sa labas ng Africa. Inaasahang kumalat ang kondisyon sa sentral at timog na bahagi ng Deir al-Balah at Khan Younis sa katapusan ng susunod na buwan.
Tinanggihan naman ng Israel ang ulat at itinuring itong mali at may kiniling. Sinabi ng Israel na nakabatay lamang ang survey sa impormasyong mula sa Hamas at hindi isinasaalang-alang ang kamakailang pagdating ng tulong pagkain. Ayon sa IPC, para matawag na famine ang isang rehiyon, 20 porsyento ng populasyon ay kailangang kulang sa pagkain, isa sa tatlong bata ay malnutrisyon, at dalawang tao sa bawat 10,000 ay namamatay araw-araw dahil sa gutom o sakit.

Continue Reading
Click to comment

Leave a Reply

Your email address will not be published. Required fields are marked *

News

Mindanao, Gitna ng Spotlight Matapos ang Bondi Attack Probe!

Published

on

Muling napunta sa pansin ang Mindanao matapos imbestigahan ng Australian police ang posibilidad na ang mga suspek sa madugong Bondi attack ay naglakbay sa Pilipinas upang makipag-ugnayan o magsanay sa mga extremist. Gayunman, iginiit ng pamahalaan ng Pilipinas na wala umanong ebidensiyang sumusuporta sa alegasyong ito.

Ang Mindanao, tahanan ng malaking populasyong Muslim sa bansa, ay matagal nang nakararanas ng armadong tunggalian—mula pa noong panahon ng kolonyalismo hanggang sa pag-usbong ng mga separatist at Islamist groups noong dekada ’70 at ’90. Ilan sa mga grupong ito, tulad ng Abu Sayyaf at Maute, ay nasangkot sa pambobomba at kidnapping, at kalauna’y naghayag ng suporta sa Islamic State.

Noong 2014, nilagdaan ang isang peace agreement na nagbunsod sa pagbuo ng Bangsamoro Autonomous Region in Muslim Mindanao. Ngunit hindi lahat ng armadong grupo ay kumilala rito. Pinakamatingkad ang banta noong 2017 nang sakupin ng mga militanteng grupo ang Marawi City—isang limang buwang labanan na kumitil sa mahigit 1,000 buhay.

Ayon sa militar, malaki na ang ibinaba ng bilang ng mga jihadist at sila’y “watak-watak” na at walang malinaw na liderato. Gayunman, may babala ang mga security analyst na nananatili ang ilang lokal at pandaigdigang ugnayan ng mga ito, kaya’t nagpapatuloy pa rin ang mga operasyon ng gobyerno upang tiyakin ang kapayapaan at seguridad sa rehiyon.

Continue Reading

News

PNP Nagbabala sa 31 Ipinagbabawal na Paputok; Kulong at Multa sa Lalabag!

Published

on

Nagbabala ang Philippine National Police (PNP) laban sa paggamit at pagbebenta ng 31 ipinagbabawal na paputok, kasabay ng paalala na may katapat itong kulong at multa sa ilalim ng batas.

Ayon kay Col. Rex Buyucan ng PNP Firearms and Explosives Office, kabilang sa mga bawal ang watusi, piccolo, lolo thunder, boga, pla-pla, goodbye Philippines, atomic bomb, Bin Laden, King Kong, at iba pa. Ipinagbabawal din ang sobrang bigat na paputok (lampas 0.2 gram), oversized na paputok, at yaong may mabilis masunog na mitsa na mas mababa sa tatlong segundo.

Ang sinumang lalabag ay maaaring makulong ng hanggang isang taon at pagmultahin ng ₱20,000 sa ilalim ng Republic Act 7183. Nilinaw din ng PNP na wala pa silang namo-monitor na bagong illegal firecrackers na may kaugnayan sa mga kontrobersiyang personalidad.

Samantala, inilunsad ng grupong BAN Toxics ang taunang “Iwas Paputok” campaign na dinaluhan ng mahigit 2,000 kalahok. Hinikayat nila ang mas mahigpit na pagbabantay sa online selling ng ilegal na paputok at ang pagpili ng mas ligtas at hindi nakalalasong alternatibo sa pagdiriwang.

Nanawagan din ang grupo sa DOH at DTI na palakasin ang information drive, lalo na para sa mga bata. Ayon sa DOH, tumaas ng 38% ang firework-related injuries—mula 610 kaso noong 2024 tungong 843 noong 2025—kaya’t mariing paalala ang umiwas sa paputok para sa mas ligtas na selebrasyon.

Continue Reading

News

Bondi Beach Shooting, Iniuugnay sa Ideolohiya ng Islamic State — PM

Published

on

Sinabi ni Australian Prime Minister Anthony Albanese na ang pamamaril sa Bondi Beach na ikinasawi ng 15 katao ay tila udyok ng ideolohiya ng Islamic State.

Ayon sa imbestigasyon, ang mag-amang Sajid Akram, 50, at Naveed Akram, 24, ang nasa likod ng pag-atake noong Linggo ng gabi na tumarget sa isang Jewish Hanukkah celebration sa sikat na beach sa Sydney. Itinuring ng mga awtoridad ang insidente bilang antisemitic na teroristang pag-atake.

Ito ang unang malinaw na pahayag ng pamahalaan na nagsasabing maaaring na-radicalize ang mag-ama bago isagawa ang pamamaril. Ani Albanese, ang ideolohiyang ito—na matagal nang umiiral—ay nagtulak sa matinding galit at kahandaang pumatay ng marami.

Inilahad din na si Naveed ay napansin na ng intelligence agencies noong 2019 dahil sa kanyang mga koneksyon, ngunit hindi siya itinuring na agarang banta noon. Dalawa sa kanyang mga kakilala ay kalaunang nakulong.

Tumagal ng halos 10 minuto ang pamamaril gamit ang mahahabang baril bago napatay ng pulis si Sajid. Naaresto naman si Naveed at kasalukuyang nasa coma sa ospital, binabantayan ng pulisya habang nagpapatuloy ang imbestigasyon.

Continue Reading

Trending

Copyright © 2024 | Pulse Ph