Sports

Colombian Ace, Pinaluhod ang Pinay Tennis Star!

Published

5 days ago

January 30, 2026

Kinapos ang homecoming campaign ni Alex Eala matapos yumuko sa Colombian ace na si Camila Osorio sa quarterfinals ng WTA125 Philippine Women’s Open kagabi sa Rizal Memorial Tennis Center.

Sa straight sets na 6-4, 6-4, pinatahimik ni Osorio (WTA No. 84) ang home crowd at tinuldukan ang pag-asa ng Pilipinas sa torneyo.

Steady sa Clutch Kahit todo-suporta ang mga Pinoy fans, naging mas matatag si Osorio sa mga crucial moments ng laro. Bilib naman ang Colombian player sa energy ng mga manonood kahit pa kalaban siya ng crowd favorite.

“I loved the energy… You are all passionate and at the end of the day, I was just trying to do my thing,” sabi ni Osorio.

‘Sayang, pero happy’ Para naman kay Eala, mission accomplished pa rin siya sa mas malaking goal—ang madala ang world-class tennis sa bansa.

“Sayang, hindi pumasa sa level pero ang importante, nandito ako sa Manila, sa Pilipinas at nandito ang WTA,” mensahe ni Eala.

Hindi naman matatengga ang Pinay tennis sensation dahil lilipad agad siya pa-Middle East bilang wildcard sa WTA500 Abu Dhabi next week.

Ang Final Four Cast Dahil sa panalo, pasok sa semis si Osorio at makakaharap niya si Solana Sierra ng Argentina.

Sa kabilang bracket, bakbakan naman sina crowd darling Donna Vekic ng Croatia at ang unseeded na si Tatiana Prozorova ng Russia (na tumalo sa No. 1 seed) para sa pwesto sa finals.

Sports

PatMen nagtakda ng VCT record, pero Global Esports bigo sa panalo

Published

2 hours ago

February 4, 2026

pulse_ph

Gumawa ng kasaysayan ang Filipino Valorant player na si Patrick “PatMen” Mendoza matapos magtala ng record-high na 516 average combat score (ACS)—ang pinakamataas sa isang mapa sa buong Valorant Champions Tour (VCT).

Nagawa ito ni Mendoza sa unang mapa ng laban ng Global Esports kontra DetonatioN FocusMe (DFM) noong Pebrero 1, matapos kumolekta ng 32 kills, limang deaths at apat na assists. Gayunman, hindi nasundan ng panalo ang kanyang record performance dahil na-reverse sweep ang Global Esports at bumagsak sa lower round, na may huling tsansa para makapasok sa Valorant Masters Santiago.

Hindi rin pinalad ang iba pang koponang may Pinoy players sa VCT Pacific Kickoff. Tinalo ng DFM ang Team Secretnina JessieVash, kellyS, at coach Rbtx, 0-2. Isang buhay na lang ang natitira sa Team Secret sa torneo.

Natalo rin ang Paper Rex na may Filipino player na si Adrian “invy” Reyes, matapos yumuko sa RRQ ng Indonesia, 0-2, at bumaba sa middle round.

Maghaharap ang Team Secret at Zeta Division sa isang do-or-die match sa Pebrero 5, habang lalaban ang Global Esports sa Pebrero 7 kontra sa mananalo sa Gen.G vs VARREL. Samantala, sasabak ang Paper Rex laban sa T1 sa Pebrero 6 upang manatiling buhay sa torneo.

Sports

‘Quiet Assassin’ Rybakina, tumitira na sa World No. 1

Published

2 days ago

February 2, 2026

pulse_ph

Pinatunayan ni Elena Rybakina na hindi kailangang maingay para maging mabagsik matapos niyang masungkit ang Australian Open title at pabagsakin ang dalawang top-ranked players sa mundo.

Tinalo ng 26-anyos na Kazakh ang No. 1 seed na si Aryna Sabalenka sa isang dikdikang final, 6-4, 4-6, 6-4, para makuha ang kanyang ikalawang Grand Slam—mahigit tatlong taon matapos ang Wimbledon triumph.

Kahit nahuli sa huling set, nanatiling kalmado si Rybakina at bumawi upang selyuhan ang panalo. Inamin niyang may halong matinding ginhawa ang kanyang tahimik na selebrasyon.

Mas lalo pang pinatibay ang kanyang dominasyon nang talunin din niya si Iga Swiatek sa quarterfinals at maitala ang 20 panalo sa huling 21 laban. Dahil dito, tinawag siya ng Australian media na “quiet assassin.”

Babalik si Rybakina sa World No. 3 at malinaw na nasa radar na niya ang World No. 1 ranking—kasabay ng hangaring magdagdag pa ng Grand Slam titles ngayong taon.

Sports

Alex Eala balik-aksyon, haharap sa Turkish rival sa Abu Dhabi Open!

Published

2 days ago

February 2, 2026

pulse_ph

Muling sasabak sa WTA Tour si Alex Eala sa pagsisimula ng WTA500 Mubadala Abu Dhabi Open, kung saan makakaharap niya sa Round 1 ang kaibigang si Zeynep Sonmez ng Turkey sa Zayed Sports City.

Ito ang ikatlong pagtutuos ng dalawa, at may 2-0 bentahe ang 20-anyos na Filipina matapos manalo sa France (2023) at England (2025). Kasalukuyang WTA No. 49, dadating si Eala sa Abu Dhabi na mataas ang kumpiyansa matapos ang solidong kampanya sa WTA125 Philippine Women’s Open, kung saan umabot siya sa quarterfinals.

Bagamat dikdikan ang field—pangungunahan ng defending champion na si Belinda Bencic—umaasa ang kampo ni Eala sa malalim na takbo, lalo’t maganda ang simula niya sa 2026 season, kabilang ang semifinal finish sa Auckland at historic main draw debut sa Australian Open.

Bukod sa singles, lalaro rin si Eala sa doubles, katuwang ang Indonesian player na si Janice Tjen, sa layuning ipakita ang lakas ng SEA tennis sa international stage.