Connect with us

Entertainment

36 Binibini, May Mas Malalim na Laban sa Bb. Pilipinas 2025!

Published

on

Kumabog ang runway sa confidence at ganda ng 36 kandidata ng Binibining Pilipinas 2025 sa kanilang press presentation at preliminary competition sa Novotel Manila, Araneta City! Sa suot nilang swimsuit at evening gown, ipinakita ng mga binibini na hindi lang korona ang pinaglalaban nila — kundi pangarap, determinasyon, at second chances.

Ngayong taon, nakataya ang mga titulo ng Bb. Pilipinas International at Bb. Pilipinas Globe 2025, at gaganapin ang grand coronation night sa Hunyo 15 sa Smart Araneta Coliseum. Sa finals night din iaanunsyo ang mga nanalo sa Swimsuit at Evening Gown competition, pati na ang Face of Binibini.

Kabilang sa mga kalahok sina Jeannette Reyes, Annabelle Mae McDonnell, Andrea Sumadsad, Kimberly Naz, Francesca Abalajon, Katrina Johnson, Anna de Mesa, at marami pang iba mula sa iba’t ibang panig ng bansa.

May mga balik-Binibini rin ngayong taon. Si Annabelle McDonnell, mula Iligan City at dati nang Miss Charm at MUPh runner-up, ay muling sumabak para tuparin ang kanyang childhood dream na makasali sa Binibini at irepresenta ang hometown niya.

Ganun din si Anna Carres de Mesa ng Batangas, na unang sumali noong 2022. Aniya, “This is the dream, and now I’m living it.”

Si Katrina Johnson ng Davao, first runner-up noong 2023, bumalik din sa laban. “Ayokong mabuhay sa tanong na ‘what if,’” ani niya. “Ito na ang huling taon na puwede pa ako, kaya binigay ko na lahat.”

Nakisaya rin sa event ang P-pop group KAIA, habang sina Bb. Pilipinas International 2024 Myrna Esguerra at Bb. Pilipinas Globe 2024 Jasmin Bungay ang nagsilbing hosts kasama si actor Wize Estabillo.

Nagpakitang-gilas din ang mga hurado mula sa iba’t ibang industriya — mula PR at marketing heads hanggang beauty queens at brand leaders. Isa itong patunay na sa Bb. Pilipinas, hindi lang ganda ang hinahanap — kundi talino, determinasyon, at puso.

Abangan kung sino ang magiging bagong reyna sa Hunyo 15. Isa lang ang sigurado: sa Binibining Pilipinas, bawat lakad, bawat ngiti, at bawat kwento ay laban para sa pangarap.

Continue Reading
Click to comment

Leave a Reply

Your email address will not be published. Required fields are marked *

Entertainment

Sexual harassment case laban kay Justin Baldoni, ibinasura ng korte!

Published

on

Ibinasura ng isang federal judge sa Amerika ang mga reklamong sexual harassment na isinampa ng aktres na si Blake Lively laban sa kanyang co-star at direktor na si Justin Baldoni. Ang hidwaang ito ay nag-ugat sa naging karanasan nila habang ginagawa ang pelikulang It Ends with Us noong 2024.

Ayon sa desisyon ni Judge Lewis Liman, hindi pasok ang reklamo ni Lively sa ilalim ng federal law dahil siya ay itinuturing na isang independent contractor at hindi regular na empleyado. Dagdag pa ng korte, ang mga inirereklamong kilos ni Baldoni ay nangyari habang umaarte sa mga eksena, kaya mahirap itong ituring na harassment sa labas ng trabaho bilang mga aktor.

Sa kabila nito, hindi pa tapos ang laban para kay Lively. Tuloy pa rin ang pagdinig sa ibang bahagi ng kanyang demanda, kabilang ang reklamong retaliation o paghihiganti at breach of contract. Giit ni Lively, sinubukan ni Baldoni na sirain ang kanyang reputasyon sa publiko matapos siyang magsalita tungkol sa hindi magandang kapaligiran sa kanilang set.

Nakaplano ang civil trial para sa natitirang mga reklamo sa darating na Mayo 18. Samantala, nagpahayag naman ng katuwaan ang kampo ni Baldoni sa naging desisyon ng korte na bawasan ang mga seryosong paratang laban sa aktor.

Continue Reading

Entertainment

Celine Dion, magbabalik sa entablado matapos ang laban sa karamdaman

Published

on

Matapos ang mahabang panahon ng pananahimik dahil sa kaniyang kalusugan, opisyal nang inanunsyo ng global megastar na si Celine Dion ang kaniyang pagbabalik sa pagtatanghal. Sa isang video na inilabas kasabay ng kaniyang ika-58 na kaarawan, sinabi ng singer na ito ang pinakamagandang regalo na natanggap niya dahil muli siyang makakasama ng kaniyang mga tagahanga.

Matatandaang pansamantalang huminto si Celine sa pagkanta matapos siyang ma-diagnose na may Stiff Person Syndrome, isang bihirang kondisyon na nakaapekto sa kaniyang pagkilos at boses. Ngunit dahil sa kaniyang determinasyon at pagbuti ng pakiramdam, nakatakda siyang magsagawa ng serye ng mga concert sa Paris simula ngayong Setyembre.

Bukod sa kaniyang pagbabalik-entablado, inaasahan ding maglalabas siya ng bagong kanta sa ilalim ng batikang kompositor na si Jean-Jacques Goldman. Para kay Celine, ang hakbang na ito ay patunay na hindi siya sumuko sa kabila ng mga pagsubok, at handa siyang muling magbigay ng inspirasyon sa pamamagitan ng kaniyang musika.

Continue Reading

Entertainment

Lisa, gagawa ng kasaysayan sa kaniyang Las Vegas residency!

Published

on

Isang malaking hakbang ang muling gagawin ng pandaigdigang K-pop star na si Lisa mula sa grupong Blackpink matapos niyang ianunsyo ang kaniyang kauna-unahang concert residency sa Las Vegas. Dahil sa balitang ito, siya ang kauna-unahang K-pop artist na magkakaroon ng sariling serye ng mga pagtatanghal sa kilalang entertainment capital ng mundo.

Gaganapin ang serye ng mga concert sa Voltaire sa loob ng The Venetian Resort simula ngayong darating na Mayo. Ang Voltaire ay kilala bilang isang intimate venue na nagbibigay ng espesyal at malapit na karanasan para sa mga manonood kaya naman labis itong inaabangan ng kaniyang mga tagahanga sa iba’t ibang panig ng mundo.

Ang proyektong ito ay bahagi ng lumalawak na solo career ni Lisa sa ilalim ng kaniyang sariling label na LLOUD Co. at pakikipagtulungan sa RCA Records. Inaasahang magpapakitang-gilas ang idolo sa kaniyang husay sa pagsayaw at pagkanta na nagpatunay sa kaniyang estado bilang isang tunay na global icon sa larangan ng musika.

Continue Reading

Trending

Copyright © 2024 | Pulse Ph