Metro

Senado Nagbalik-Sesyon, Patuloy ang Pagkawala ni Bato

Published

1 week ago

January 27, 2026

Muling nagbukas ang sesyon ng Senado ng 20th Congress matapos ang holiday break, ngunit nananatiling palaisipan ang patuloy na pagliban ni Sen. Ronald “Bato” dela Rosa. Ayon kay Senate President Vicente Sotto III, wala pa siyang natatanggap na personal o pormal na mensahe mula sa senador.

Bagama’t nagparamdam si Dela Rosa noong nakaraang linggo sa pamamagitan ng social media para sabihing siya ay “buhay at maayos,” iginiit ni Sotto na wala pa ring direktang komunikasyon mula sa kanya. Naiulat na ginagawa umano ni Dela Rosa ang ilang tungkulin sa pamamagitan ng kanyang staff, at nakapirma pa siya sa minority report kaugnay ng isyu sa flood control—na lalo pang nagdulot ng kalituhan sa Senado.

Matatandaang nawala sa publiko si Dela Rosa matapos lumabas ang ulat tungkol sa umano’y warrant ng International Criminal Court kaugnay ng madugong giyera kontra droga noong siya ay hepe ng pulisya. Dahil dito, patuloy siyang binabatikos ng publiko na humihiling na siya ay humarap at magpakita sa trabaho.

Samantala, sa Kamara, inanunsyo ang pagbuo ng “House Book” app bilang bahagi ng planong ganap na digital at blockchain-enabled na mga proseso. Ayon kay Speaker Faustino Dy III, layon nitong gawing mas bukas, mabilis at transparent ang trabaho ng Kongreso upang maibalik ang tiwala ng publiko sa pamahalaan.

Metro

Marcoleta at Pangilinan nagbanggaan sa saklaw ng West Philippine Sea!

Published

2 hours ago

February 4, 2026

pulse_ph

Nagkaroon ng mainit na palitan sina Sen. Francis Pangilinan at Sen. Rodante Marcoleta hinggil sa eksaktong saklaw at koordinado ng bahagi ng West Philippine Sea (WPS) na sakop ng soberanong karapatan ng Pilipinas.

Sa deliberasyon ng Senate Resolution No. 256, iginiit ni Pangilinan na batay sa datos ng Philippine team sa International Arbitral Tribunal (IAT), may karapatan ang bansa sa humigit-kumulang 500,000 square kilometers ng South China Sea, alinsunod sa 200-nautical mile Exclusive Economic Zone (EEZ) at sa 2016 arbitral ruling na nagbasura sa 9-dash line ng China.

Tutol naman si Marcoleta, na nagsabing nasa 381,000 square kilometers lamang ang WPS ayon sa National Security Council, at kinuwestiyon ang kawalan umano ng tiyak na metes and bounds o eksaktong koordinado ng WPS. Aniya, hindi malinaw kung sapat ang mga umiiral na batas para tukuyin ang buong saklaw, lalo na ang ilang bahagi ng Kalayaan Island Group na lampas sa 200 nautical miles.

Pinanindigan ni Pangilinan na pinal na ang arbitral ruling at hindi na dapat kuwestiyunin ang hurisdiksiyon ng Pilipinas. Sagot ni Marcoleta, bagama’t invalid ang 9-dash line, hindi raw tinukoy ng ruling kung saan eksaktong nagtatapos ang WPS.

Sa gitna ng diskusyon, iminungkahi ni Majority Leader Miguel Zubiri na balikan ang mga umiiral na batas tulad ng RA 9522 at RA 12064. Gayunman, nanatiling hindi kumbinsido si Marcoleta, na iginiit na may mga isla at features na hindi umano saklaw ng malinaw na depinisyon.

Metro

LPG presyo, muling tumaas simula Pebrero 1

Published

2 days ago

February 2, 2026

pulse_ph

Muling tumaas ang presyo ng liquefied petroleum gas (LPG) ngayong Pebrero 1, matapos magpatupad ng price hike ang mga kumpanyang Petron at Solane.

Nagtaas ang Petron ng ₱1.50 kada kilo, na epektibo alas-12:01 ng madaling araw ng Linggo. Samantala, ipinatupad ng Solane ang ₱1.55 kada kilo na dagdag-presyo bandang alas-6 ng umaga.

Ayon sa mga ulat, ang pagtaas ay alinsunod sa adjustment ng international LPG contract prices para sa buwan ng Pebrero.

Noong Enero, kapwa nagtaas din ng ₱2.18 kada kilo ang Petron at Solane, dahilan upang patuloy na maramdaman ng mga konsyumer ang pagbigat ng gastusin sa pang-araw-araw na lutuan.

Metro

3 pa nasawi sa paglubog ng barko sa Basilan!

Published

2 days ago

February 2, 2026

pulse_ph

Kirsten 3 na lumubog sa karagatang sakop ng Basilan, ayon sa mga awtoridad nitong Pebrero 1.

Kinilala ang mga nasawi na sina Dernalyn Muarip, na apat na buwang buntis, ang kanyang anak na si Sharfa, isang mag-aaral sa elementarya, at si Reckmar Abtong, isang kilalang miyembro ng Junior Chamber International sa Bangsamoro region.

Ang barko ay bumiyahe mula Zamboanga City patungong Jolo, Sulu nang ito’y tumaob at lumubog malapit sa Hadji Muhtamad bago magbukang-liwayway noong Enero 26.

Sa ngayon, 40 na ang kumpirmadong nasawi habang 316 pasahero ang nailigtas at sumasailalim sa stress debriefing at psychological support. Patuloy ang search and recovery operations ng Philippine Coast Guard, Philippine Navy, lokal na pamahalaan, at iba pang ahensya.

Agad na dinala sa Zamboanga City ang mga bangkay bago inihatid sa kani-kanilang pamilya, habang patuloy ang imbestigasyon sa trahedyang yumanig sa Basilan seas.