Si Chezka Centeno, 26 anyos mula Zamboanga, ay muling nagwagi sa WPA Women’s 10-Ball World Championship sa Bali, matapos talunin si Rubilen Amit sa finals. Ito ang kanyang ikalawang titulo, at kasama nila Amit sa kasaysayan bilang tanging mga Pilipinang nanalo ng dalawang beses sa 10-Ball.

Bago ang tagumpay, nakaranas si Centeno ng pagdududa sa sarili matapos maging runner-up sa ilang major tournaments. Sa kabila ng pagkatalo sa unang laban sa Bali, nagpatuloy siya at nanalo sa pitong magkakasunod na laban para makuha ang titulo.

Para kay Centeno, ang tagumpay ay inspirasyon hindi lang sa kanya kundi sa lahat ng kababaihang atleta sa Pilipinas. “Isang karangalan na maibalik ang titulo sa Pilipinas,” sabi niya, at umaasa siyang lalago ang women’s pool at mas makikilala ang kababaihang atleta sa bansa.

Rico Hoey ang nagpakitang-gilas sa kanyang pinakamahusay na laro ngayong season sa PGA Tour, matapos magtapos sa pang-apat sa Baycurrent Classic na itinanghal ni Amerikanong Xander Schauffele na panalo sa Yokohama Country Club sa Japan nitong Linggo.

Si Hoey, ang nag-iisang Pilipinong kalahok sa torneo, ay nakapuntos ng 14-under 270 sa loob ng apat na araw. Tinapos niya ang huling araw sa isang bogey-free na eight-under 63, na nag-angat sa kanya ng 10 puwesto sa final leaderboard.

Ang pagkakatali sa ika-apat na puwesto ay nagkakahalaga ng $301,600 (mga P17.5 milyon), isang malaking gantimpala sa kanyang mahusay na performance.

Mula sa pagiging baguhan hanggang sa pagiging pangunahing tagapagtaguyod ng tennis sa bansa — iyan ngayon si Hayb Anzures, ang 31-anyos na negosyante na tinaguriang bagong “godfather” ng Philippine tennis.

Isang taon pa lang mula nang unang humawak ng raketa si Anzures, pero agad siyang nagmarka sa sports community matapos itatag ang Gentry Open Tennis Championships sa San Jose del Monte, Bulacan — ang pinakamalaking lokal na torneo sa kasalukuyan na may P2 milyong kabuuang premyo.

“Magkaiba talaga ang saya ng tennis kumpara sa basketball, football, o golf. Ang tennis community, napakawelcoming,” ani Anzures, na dating business management student sa Far Eastern University.

Ayon sa kanya, ang tagumpay ni Alex Eala sa international stage ang nagsilbing inspirasyon para tumulong siya sa pagpapaunlad ng lokal na tennis.

“Ang pag-angat ni Alex Eala ay nagbigay ng pag-asa sa mga Pinoy tennis fans. Nais kong makibahagi sa pagbangon ng isport sa Pilipinas,” paliwanag niya.

Sa pamamagitan ng Gentry Open, umaasa si Anzures na mas marami pang kabataang atleta ang mahihikayat na pasukin ang tennis — at muling buhayin ang sigla ng isport sa bansa.