Sa pinakabagong datos ng Philippine Statistics Authority, natuklasan na ang Zamboanga Peninsula ang may pinakamataas na antas ng kahirapan sa bansa. Sa Region IX, 24.4% ng mga pamilya ay nabubuhay sa ilalim ng poverty threshold, ibig sabihin, isa sa bawat apat na pamilya doon ay sobrang hirap.
Sumusunod ang Bangsamoro Autonomous Region in Muslim Mindanao (BARMM) na may 23.5% poverty incidence. Ang threshold para sa Zamboanga Peninsula ay P13,897 kada buwan, habang sa BARMM ay P12,884.
Pangatlo ang Negros Island Region na may 22.6% poverty incidence at threshold na P14,185.
Samantala, ang National Capital Region (NCR) ang may pinakamababang antas ng kahirapan sa 1.1%, ngunit may mas mataas na threshold na P15,713.
Sabi ng PSA, “Sa sub-national level, NCR pa rin ang pinakamayaman sa lahat ng rehiyon na may poverty incidence na 1.1% noong 2023.”