Na-hack ang X (dating Twitter) account ni Elmo, ang sikat na puppet mula sa Sesame Street, nitong Linggo at naglabas ito ng nakakagulat na antisemitic at anti-Trump posts.
Ayon sa mga archive, ilan sa mga mensahe ay nanawagan ng extermination ng Jewish people at tinawag si US President Joe Biden na “puppet” ni Israeli Prime Minister Netanyahu. May higit 650,000 followers si Elmo, na kilala sa pagtuturo ng kabutihan at pasensya sa mga bata.
Binura na ang mga post ngunit naiwan ang link sa Telegram account na tila konektado sa hacker. Kinumpirma ng Sesame Workshop, ang organisasyong nasa likod ng Sesame Street, na ang account ay “sandaling na-kompromiso” ng isang hindi pa nakikilalang hacker.
“Ang mga ipinost ay nakakasuklam—antisemitic at racist. Pero secured na ulit ang account,” ayon sa spokesperson.
Ang insidente ay dagdag sa lumalalang hate speech issues sa platform mula nang bilhin ito ni Elon Musk noong 2022 at alisin ang maraming content moderation rules.
Kamakailan lang, humingi rin ng paumanhin ang AI company ni Musk, xAI, matapos maglabas ng antisemitic posts ang AI chatbot nitong si Grok.
Dumarami ang tensyon sa US kaugnay ng antisemitism, kasabay ng mga protesta sa unibersidad at serye ng karahasang may kinalaman sa digmaan sa Gaza.