Sinabi ng White House nitong Lunes na posibleng magsagawa ang Iran ng isang “malaking” pag-atake sa Israel sa loob ng linggong ito, ayon sa National Security Council spokesman John Kirby.
“Maghanda tayo para sa maaaring malakihang atake,” babala ni Kirby sa mga reporter.
Kasunod ng mga pahayag na ito, nagpadala ang US ng aircraft carrier strike group at guided missile submarine sa rehiyon bilang suporta sa Israel. Ayon sa mga ulat, nagkaroon ng pag-uusap sina President Joe Biden at mga lider mula sa France, Germany, Italy, at Britain tungkol sa tumitinding tensyon.
Ang Iran at Hezbollah ay nangakong babawi sa pagkamatay ng mga lider ng Hamas at Hezbollah noong nakaraang buwan.