Nagpakita ng kakaibang hakbang si Vice President Sara Duterte sa deliberasyon ng 2026 OVP budget sa Kongreso nitong Setyembre 16 matapos niyang i-waive ang parliamentary courtesy na karaniwang ibinibigay sa mga mataas na opisyal.
Dahil dito, nabigyan ng pagkakataon ang mga mambabatas na direktang magtanong sa kanya tungkol sa pondo ng kanyang opisina. Kabilang sa nakapila para magtanong sina Rep. Antonio Tinio (ACT Teachers) at Rep. Renee Co (Kabataan Partylist) mula sa Makabayan bloc.
Dumating si Duterte sa pagdinig nang mag-isa, matapos ipagpaliban noong nakaraang linggo ang hearing dahil hindi siya nakadalo at isang assistant secretary lang ang ipinadala bilang kinatawan.
Humihiling ang OVP ng P902.8 milyon budget para sa 2026, mas mataas kaysa sa P744 milyon na inilaan noong 2025.