Nagdiwang si Max Verstappen matapos ang dominanteng panalo sa Italian Grand Prix sa Monza, at tinawag itong isang “unbelievable weekend” para sa Red Bull team.
Mula sa pole position, agad siyang hinamon ni Lando Norris sa unang lap at napilitang ibalik ang puwesto. Pero ilang ikot lang ang lumipas, nabawi niya ulit ang liderato at tuluyan nang hindi na inabutan. Tinapos niya ang karera na may 19 segundong agwat laban kay Norris.
Ayon kay Verstappen, matapos ang maagang drama sa race, “we were flying” na raw siya sa bilis. Pinuri rin niya ang tamang timing ng pit stop at tibay ng hard tyres sa huling bahagi ng karera.
Ito na ang ikatlong panalo ni Verstappen ngayong season. Bagama’t step by step ang approach nila, kumpiyansa siyang may mga darating pang panalo sa natitirang races.