Inanunsyo ng US State Department nitong Huwebes na itutuloy nito ang suporta para sa programang magpapalawak ng access sa HIV prevention drug na lenacapavir sa mga low-income countries, sa kabila ng aid cuts na ipinatutupad ni Donald Trump.
Ang lenacapavir, na iniinom dalawang beses kada taon, ay napatunayang higit 99.9% epektibo laban sa HIV transmission. Gawa ito ng Gilead Sciences na nangakong ibebenta ang gamot nang walang tubo sa ilalim ng partnership.
Hindi tinukoy ng State Department ang eksaktong pondo, maliban sa pagsasabing “significant” ang ambag. Target ng programa na maabot ang dalawang milyong tao pagsapit ng 2028.
Nananatiling limitado ang papel ng US sa pagbili at pag-supply ng gamot, habang ang mga lokal na pamahalaan ang mangangasiwa sa distribusyon.