Kinumpirma ng Philippine Embassy sa Israel noong Linggo, Hulyo 13 na pumanaw si Leah Mosquera, 49, isang Filipina overseas worker, dahil sa malubhang tinamong sugat mula sa bombarding ng Israel-Iran noong Hunyo.
Nabaril si Leah ng isang Iranian missile na tumama sa kanyang apartment sa Rehovot, Israel noong Hunyo 15. Agad siyang dinala sa Shamir Medical Center kung saan sumailalim siya sa ilang operasyon at nanatili sa ICU bago tuluyang pumanaw nang ilang linggo matapos ang insidente.
Ayon sa embahada, nakipag-ugnayan na sila sa pamilya ni Leah para sa repatriation at tulong. Ang kanyang kapatid na si Joy ang nagbigay kumpirmasyon ng kanyang pagkamatay.
Binigyang pugay ng embahada ang katapangan ni Leah bilang isang OFW na nagsumikap para suportahan ang pamilya sa Pilipinas, na siyang simbolo ng sakripisyo ng maraming Pilipino sa abroad.
Si Leah ang unang Pilipinong namatay dahil sa naganap na conflict noong Hunyo 2025 sa pagitan ng Israel at Iran, na nagsimula nang maglunsad ng preemptive strikes ang Israel laban sa mga nuclear at military sites ng Iran.
Ang mga airstrikes ng Israel ay naglalayong hadlangan ang pag-develop ng Iran ng mga nuclear weapons sa kabila ng mga tensyon sa rehiyon.