Entertainment

TWICE, Pinakilig ang Filo Onces sa Sold-Out Concert sa Bulacan!

Published

3 months ago

October 6, 2025

Muling pinatunayan ng K-pop girl group na TWICE ang kanilang lakas sa Pilipinas matapos punuin ang Philippine Arena sa Bulacan para sa kanilang sold-out concert kagabi, bilang bahagi ng “This Is For” world tour na inorganisa ng Live Nation Philippines.

Binuksan ng grupo ang gabi sa enerhikong lineup na kinabibilangan ng “This Is For,” “Strategy,” “Make Me Go,” “Set Me Free,” “I Can’t Stop Me,” “Options,” at “Moonlight Sunrise.”

Sinundan ito ng mga paborito ng fans tulad ng “Mars,” “The Feels,” “Cry For Me,” at “Hell in Heaven.” Pero ang pinakanagpasigaw sa crowd ay ang solo performances ng bawat miyembro, kung saan ipinakita nila ang mga bagong kanta mula sa paparating nilang 10th anniversary special album.

Kabilang dito sina Tzuyu sa “Dive In,” Mina sa “Stone Cold,” Nayeon sa “Meeee,” Dahyun sa “Chess,” Chaeyoung sa “Shoot,” Jihyo sa “ATM,” Sana sa “Decaffeinated,” at Momo na nagpasayaw sa “Move Like That.”

Hindi rin pinalampas ng TWICE ang kanilang mga klasikong hit songs tulad ng “Fancy,” “What Is Love?,” “Dance the Night Away,” at “Feel Special,” na sabay-sabay kinanta ng mga Filo Onces.

Bagama’t hindi nakadalo si Jeongyeon dahil sa kalusugan, nangako ang leader na si Jihyo na sa susunod nilang balik-Pinas, magiging kumpleto na ang grupo.

Tinapos ng TWICE ang kanilang ikatlong concert sa bansa sa masayang awitin ng “Signal” at “Talk That Talk,” habang umaalingawngaw ang sigawan ng fans—patunay na walang sawang pagmamahal ng mga Pilipino sa kanilang K-pop queens.

Related Topics:KPOP PhilippineArena TWICE

Up Next

Jericho Rosales, Ipinagmamalaki ang Pagiging Pilipino sa Kanilang Palabas na “Quezon”!

Don't Miss

Mga Celebrities, Nagpaabot ng Tulong at Dasal Para sa mga Biktima ng Cebu Quake!

Click to comment

Entertainment

Becky Armstrong, Bagong Nanno sa Reimagined na “Girl From Nowhere”

Published

5 hours ago

January 15, 2026

pulse_ph

Ipinakilala na si Thai-British actress Becky Armstrong bilang bagong Nanno sa reimagined series na “Girl From Nowhere: The Reset.” Mula sa sikat na tambalang FreenBecky, haharap si Becky bilang misteryosang estudyanteng kilala sa sarili niyang paraan ng paghahatid ng hustisya.

Sa Instagram post niya noong Enero 14, ibinahagi ni Becky ang unang larawan niya bilang Nanno at sinabing ito ang “bagong bata, bagong katawan, at bagong uniberso.” Ayon sa ulat ng Bangkok Post, ang serye ay standalone at hindi direktang pagpapatuloy ng orihinal—bagkus ay may hiwalay na timeline at bagong cast.

Mapapanood ang “Girl From Nowhere: The Reset” sa Channel 31 ng Thailand simula Marso. Ang orihinal na serye ay pinagbidahan ni Chicha “Kitty” Amatayakul, na unang ipinalabas noong 2018 at nagkaroon ng ikalawang season sa Netflix noong 2021.

Sumikat si Becky bilang kalahati ng FreenBecky kasama si Freen Sarocha sa GL series na “Gap” noong 2022.

Entertainment

‘Girl from Nowhere’ Magbabalik sa ‘Reset,’ May Bagong Nanno?!

Published

23 hours ago

January 14, 2026

pulse_ph

Nagkagulo ang fans ng Thai thriller series na Girl from Nowhere matapos i-tease ang pagbabalik nito—kasama ang posibilidad ng isang bagong Nanno.

Noong Enero 12, naglabas ang opisyal na social media pages ng serye ng poster ng isang estudyanteng naka-iconic na uniporme at hairstyle ni Nanno, ngunit nakatalikod sa kamera. Sa caption, ipinahiwatig ang bagong yugto ng kuwento: “New kid, new body, new universe. But the Nanno inside is still the same.”

Kinumpirma rin sa Facebook intro ng serye ang pamagat at petsa ng pagbabalik: “Girl From Nowhere: The Reset,” na ipapalabas sa Marso 7, 2026.

Dahil dito, umugong ang espekulasyon na may bagong aktres na gaganap bilang Nanno. Lalong lumakas ang hinala matapos lumabas ang naunang poster na tampok ang Thai-British GL star na si Becky Armstrong.

Orihinal na ginampanan ni Chicha “Kitty” Amatayakul si Nanno, na nagtapos ang kanyang kuwento sa ikalawang season noong 2021. Ngayon, handa na ang serye na pumasok sa isang bagong uniberso—na siguradong susubaybayan ng fans.

Entertainment

BTS, Magbabalik sa Maynila sa 2027!

Published

1 day ago

January 14, 2026

pulse_ph

Magandang balita para sa Filipino ARMY—opisyal nang kasama ang Maynila sa comeback world tour ng BTS. Ayon sa inilabas na poster ng Big Hit Music, babalik ang global K-pop group sa Pilipinas sa Marso 13 at 14, 2027, na magiging una nilang konsiyerto rito matapos ang 10 taon.

Magsisimula ang tour ngayong Abril sa South Korea at tatagal ng isang taon, na may karagdagang mga petsang iaanunsyo pa para sa 2027. Sa ngayon, ang Maynila ang huling nakalistang stop. Wala pang detalye sa venue at ticketing, ngunit pinayuhan ng Live Nation Philippines ang fans na mag-abang ng updates sa kanilang opisyal na channels.

Huling nag-concert ang BTS sa bansa noong 2017 para sa “Wings” tour sa Mall of Asia Arena. Hindi na sila nakapunta sa sumunod na mga tour bago ang military enlistment ng mga miyembro. Noong 2025, nagbalik si J-Hope sa Maynila para sa kanyang solo tour.

Kasabay ng tour, maglalabas din ang BTS ng bagong album sa Marso 20, ang una nilang grupo na release sa halos apat na taon. Ayon sa Big Hit, malalim ang naging partisipasyon ng mga miyembro sa paggawa ng mga kanta bilang pasasalamat sa ARMY.

Gagamit ang tour ng 360-degree stage, na magpapalaki ng audience capacity at magbibigay ng mas immersive na concert experience—lalo pang ikinagugulat kung saang venue ito gaganapin sa Maynila.