Pinirmahan ni US President Donald Trump nitong Miyerkules ang isang executive order na nagbabawal sa mga transgender athletes na lumahok sa women’s sports—isang panibagong hakbang niya laban sa transgender community mula nang bumalik sa pwesto.
“Mula ngayon, para lang sa kababaihan ang women’s sports,” ani Trump bago niya nilagdaan ang utos sa White House, kung saan napalibutan siya ng mga bata at babaeng atleta.
Pangunahing nilalaman ng utos:
– Pinapayagan ang gobyerno ng US na bawasan o alisin ang pondo ng mga paaralan na nagpapalaro ng trans athletes sa women’s teams.
– Iniutos kay Secretary of State Marco Rubio na ipressure ang International Olympic Committee (IOC) na baguhin ang kanilang patakaran bago ang 2028 Los Angeles Olympics.
– Direktiba kay Homeland Security Chief Kristi Noem na harangin ang visa ng sinumang lalaking atleta na nagpapanggap bilang babae para makapasok sa Olympics.
Digmaang Kultural
Matagal nang tinatarget ni Trump ang LGBTQ+ community sa kanyang mga polisiya. Sa kanyang ikalawang termino, ilang agresibong hakbang na ang kanyang ginawa:
– Pagkilala lang sa dalawang kasarian (lalaki at babae) sa US government policies.
– Pag-ban sa transgender troops sa military.
– Paghihigpit sa gender transition procedures para sa mga wala pang 19 anyos.
Ang kontrobersyal na order ni Trump ay kasunod ng pag-apruba ng Republican-led House of Representatives sa isang panukalang batas na naglilimita sa transgender athletes sa girls’ at women’s sports.
Sa harap ng lumalawak na diskusyon tungkol sa gender identity, maraming conservatives ang gumagamit ng women’s sports bilang pangunahing argumento upang palakasin ang kanilang posisyon sa kulturang labanan na ito.