Si US President-elect Donald Trump, nagbanta ng malaking taripa sa mga kalakal mula sa Mexico, Canada, at China. Ayon kay Trump, magpapataw siya ng 25% taripa sa lahat ng produkto mula sa Mexico at Canada, at 10% naman sa mga produkto mula sa China.
Pinuna niya ang mga isyu ng illegal drug trade at immigration bilang dahilan sa mga hakbang na ito. Sa isang post sa kanyang Truth Social account, sinabi ni Trump na ito ang magiging isa sa kanyang mga unang Executive Orders sa Enero 20.
Bilang bahagi ng kanyang ekonomiyang agenda, layunin ng mga taripa na makipag-negosasyon sa mga kasosyo sa kalakalan at ibalik ang mga trabaho sa pagmamanupaktura sa US. Gayunpaman, maraming ekonomista ang nagbabala na maaaring tumaas ang presyo ng mga bilihin at magdulot ng inflation dahil ang mga importers na magbabayad ng taripa ay kadalasang ipinapasa ito sa mga konsyumer.