Inanunsyo ni dating US President Donald Trump na nagkasundo na raw ang Iran at Israel sa isang “total and complete ceasefire” para wakasan ang 12-araw na giyera — kahit patuloy pa ring may pagsabog sa Tehran!
Sa post niya sa Truth Social, sinabi ni Trump na ang tigil-putukan ay phased o may hakbang-hakbang: magsisimula ang Iran tumigil ng operasyon sa Martes 12nn (PH time), susunod ang Israel pagkatapos ng 12 oras. Kapag natapos ang 24 oras, pormal nang matatapos ang giyera, ayon sa kanya.
Pero teka — walang kumpirmasyon mula sa Iran o Israel. Samantala, mga malalakas na pagsabog ang naramdaman sa Tehran, lalo na sa hilaga at gitna ng lungsod.
Nagsimula ang sigalot noong June 13 nang umatake ang Israel sa mga nuclear at military sites ng Iran. Sa kasunod, sumali ang U.S. at binomba ang isang uranium facility. Bilang ganti, tinarget ng Iran ang US Al Udeid Air Base sa Qatar gamit ang mga ballistic missile — pero ayon kay Trump, “mahina” lang daw ang atake at walang nasaktan.
Ipinagdiinan ng Iran na proportional lang ang kanilang retaliation — kung ilang bomba ang inihulog ng U.S., ganoon din lang karami ang missiles nila.
Nag-react naman ang ibang bansa: nanawagan si French President Macron na tapusin na ang “spiral of chaos,” habang nagbabala ang China sa posibleng epekto sa ekonomiya.
Sa kabila ng ceasefire announcement ni Trump, ang tensyon ay nananatiling mataas. Ang Iran ay may higit 400 patay, habang 24 naman ang nasawi sa Israel.