Nagbabala si US President-elect Donald Trump laban sa Gaza militants na magkakaroon ng matinding parusa kung hindi palalayain ang mga hostages bago ang kanyang panunungkulan sa Enero 20, 2025.
Sa kanyang Truth Social post, sinabi ni Trump: “Kung hindi sila palalayain, ang mga responsable ay tatamaan nang mas malupit kaysa sa kasaysayan ng Amerika. Palayain ang mga hostages ngayon!”
Ang banta ay kasunod ng bigong diplomasiya ni outgoing President Joe Biden upang wakasan ang kaguluhan sa Gaza at mailigtas ang mga hostages.
Sa atake ng Hamas noong Oktubre 7, 2023, 1,208 ang nasawi at 251 ang dinukot, 97 sa kanila ay patuloy na bihag sa Gaza. Samantala, 44,429 na ang namatay sa Gaza sa opensiba ng Israel, ayon sa UN-verified data.