Ayon kay Mody Floranda, National President ng Pagkakaisa ng mga Samahan ng Tsuper at Operator Nationwide (PISTON), ang bagong kautusan na nagpapahintulot sa unconsolidated jeepney at UV Express units na mag-operate sa mga ruta na may mababang consolidation rate ay bunga ng “kolektibong pagsusumikap” ng sektor ng transportasyon.
“Tagumpay ito! Tagumpay ito ng sunud-sunod na rally at welga, lalo na noong April 29, 30 at May 1,” sabi ni Floranda sa isang panayam sa Teleradyo.
Sa Board Resolution No. 53 Series of 2024 na inilabas ng Land Transportation Franchising and Regulatory Board (LTFRB), pinapayagan ang mga unconsolidated public utility vehicle units na mag-operate sa kanilang mga kasalukuyang ruta nang hindi kinakailangang magsumite ng consolidation, ngunit kailangan pa rin itong aprubahan ng Local Public Transport Route Plan (LPTRP) at Route Rationalization Plan (RRP).
Inilabas ang resolusyon noong April 30, 2024, sa gitna ng nationwide transport strikes bilang protesta laban sa modernization program ng gobyerno para sa mga pampasaherong sasakyan.
Layunin ng resolusyon na masiguro ang sapat na bilang ng PUV units para sa mga pasahero.
Sa panayam sa DZBB, sinabi ni LTFRB Chairman Teofilo Guadiz III na may mga ruta kung saan isa hanggang apat lamang ang operating units.
“Nagkaroon kami ng board resolution hindi dahil sa pagkukulang kundi dahil isa o apat lang ang bumabayad sa ruta,” sabi ni Guadiz.
“May mga gray areas na kailangan nating i-exempt,” dagdag niya.
Kailangan ng mga PUVs na magkaroon ng consolidated franchise ayon sa modernization program. As of April 23, nakapagtala ang LTFRB ng 150,179 consolidated PUVs, na 78.33% ng 191,730 PUVs sa buong bansa.