Balik sa saddle si Toni Leviste at muli na namang gumawa ng kasaysayan! Siya ang kauna-unahang Pilipino na nanalo sa isang international dressage competition sa Europe, matapos magkampeon sa FEI Prix St. Georges class sa Flemalle, Belgium.
Sakay ng kabayong si Lacoste 126, nagtala si Leviste ng 68.603% score—lampas pa sa SEA Games qualifying mark na 67%. Dahil dito, pasok na rin siya sa 2025 SEA Games sa Thailand!
Napabilib niya ang mga batikang FEI judges at tinalo ang ilang beteranong European riders—isang milestone na muling pinatatag ang legacy ni Leviste bilang trailblazer ng equestrian sports sa bansa.
Aniya, “Gusto kong pahabain ang aking career at patuloy na irepresenta ang Pilipinas sa iba’t ibang equestrian events sa mundo.”
Mula Olympic debut sa 2000 Sydney Games, hanggang sa medalya sa Asian at SEA Games—wala pa ring kapantay ang takbo ni Toni.