Sa bagong K-drama ng Netflix na The Trunk, sobrang swak ang chemistry nina Gong Yoo at Seo Hyun Jin bilang mag-asawang pinagbuklod ng kontrata, ayon kay direktor Kim Kyu Tae (Our Blues, It’s Okay, That’s Love).
Ayon sa direktor, ang respeto at suporta ng dalawa sa isa’t isa ang dahilan kung bakit “perfect” ang kanilang performance. “Parang natural na mag-asawa sila sa screen,” aniya sa isang virtual media event.
Ginagampanan ni Gong Yoo si Han Jeong Won, isang recording producer na hirap makapag-move on sa isang failed marriage. Si Seo Hyun Jin naman si Noh In Ji, empleyado ng isang agency na nag-aalok ng “asawang” walang kasamang pagmamahal. Pero habang tumatagal ang kanilang kontrata, hindi mapigilan ni Jeong Won na mahulog kay In Ji.
Tinanong kung bakit niya pinili ang The Trunk, pabirong sagot ni Gong Yoo: “Well, salamat sa papuri sa taste ko. Totoo ba ‘yan?”