Nagpasiklab ang Amazon Prime Video sa Singapore nang magdaos ng espesyal na premiere para sa “The Lord of the Rings: The Rings of Power,” kung saan dumalo ang mga bituin at showrunners ng serye upang magpakilig para sa Season 2.
Sa ginanap na “gold-carpet” event, dumating sina showrunner J.D. Payne, direktor na si Charlotte Brändström, at mga bida ng serye tulad nina Charlie Vickers, Cynthia Addai-Robinson, Megan Richards, Markella Kavenagh, Charles Edwards, Ismael Cruz Córdova, Tyroe Muhafidin, at Trystan Gravelle.
Nagkaroon ng pagkakataon ang The STAR na mapanood ang unang dalawang episode ng bagong season, at kitang-kita na mas magiging madilim at masalimuot ang paglalakbay ng mga paborito at pinakamaselang karakter, lalo na sa paglabas ng iconic na kontrabidang si Sauron. Magsisimula na ang Season 2 sa streaming platform ngayong Agosto 29.
Ang “The Rings of Power” ay batay sa mga alamat at tanyag na karakter ng Second Age ng kasaysayan ng Middle-earth, libu-libong taon bago ang mga pangyayari sa mga aklat ni J.R.R. Tolkien na “The Hobbit” at “The Lord of the Rings.” Sinusundan ng serye ang mga bago at pamilyar na karakter habang kinakaharap nila ang matagal nang kinatatakutang pagbabalik ng kasamaan sa Middle-earth.