Bigo si dating US President Donald Trump sa kanyang hirit na i-freeze ang $2 bilyon na foreign aid matapos itong ibasura ng US Supreme Court sa isang 5-4 ruling nitong Miyerkules.
Sa desisyon ng mataas na hukuman, kinatigan nito ang naunang utos ng isang mababang korte na kailangang ipagpatuloy ang mga bayad para sa mga natapos nang aid contracts ng US Agency for International Development (USAID) at State Department.
Kasama sa bumoto pabor sa pagpapatuloy ng pondo sina Chief Justice John Roberts at Amy Coney Barrett, isang Trump appointee, na kumampi sa tatlong liberal justices. Samantala, sumulat naman ng dissenting opinion si Justice Samuel Alito, na tinawag ang desisyon bilang isang “nakagugulat” na hakbang na nagbibigay umano ng labis na kapangyarihan sa isang district court judge.
Ang ruling na ito ay isang dagok sa kampanya ni Trump at kanyang pinakamalaking donor, si Elon Musk, na layuning paliitin o buwagin ang ilang ahensya ng gobyerno, kabilang ang USAID. Ayon kay Trump, pinatatakbo ito ng “radical lunatics,” habang tinawag naman ito ni Musk na isang “criminal organization” na dapat “ipasailalim sa woodchipper.”
Sa kabila ng matinding pagtutol ni Trump, tuloy pa rin ang multi-bilyong foreign aid program ng Amerika!