Apat na tao, kabilang ang dalawang babae at dalawang lalaki, ang nasaktan sa sunog sa isang komersyal na gusali sa Cubao kahapon. Ayon sa Philippine Red Cross, ginamot sila sa usok na kanilang nalanghap.
Ang nasabing gusali, dating kilala bilang ACT Theater, ay nasa kanto ng Aurora Boulevard at EDSA. Tinutok ng apoy ang mga “ukay-ukay” stores sa unang palapag ng building.
Umabot sa 18 firetruck ang rumesponde sa insidente, ngunit hindi pa tiyak kung ano ang sanhi ng sunog, ayon sa mga arson investigator.