Tuloy ang laban para sa College of St. Benilde na gustong bumawi mula sa masakit na talo kontra Letran, sa pagsabak nila laban sa mabagsik na Lyceum Pirates sa NCAA Season 100 ngayong araw sa Filoil EcoOil Arena.
Bagama’t wala ang kanilang lead guard na si Jhomel Ancheta, na nasuspinde ng isang laro dahil sa paghampas kay Pao Javillonar ng Letran, umaasa si coach Charles Tiu na makakabangon ang Blazers. “Hoping we can bounce back,” sabi ni Tiu matapos mabitawan ang panalo kontra Knights, 69-71.
Sa 4-1 kartada, haharap ang Blazers sa Pirates na kasalukuyang nasa winning streak ng tatlong sunod na panalo, kabilang ang 96-81 na pagbasag sa Mapua.
Samantala, susubukan namang bumangon ng Mapua Cardinals laban sa San Sebastian Stags sa kanilang 12 noon na laban, habang target ng SSC-R na putulin ang kanilang apat na sunod na talo.