Isa na namang nakakagulantang na twist ang naganap sa Pinoy Big Brother Celebrity Collab Edition matapos ang biglaang pag-exit nina Shuvee Etrata at Klarisse de Guzman (a.k.a. ShuKla) nitong Sabado ng gabi.
Matindi ang labanan sa online voting — lahat ng tatlong nominado ay pumalo ng lampas 30% ng boto! Sa huli, talo ang ShuKla ng manipis na manipis na lamang na 0.17% kontra kina AZ Martinez at River Joseph (AZVer), na nakakuha ng 31.67%. Ang loveteam na DustBia ang nanguna sa botohan na may 36.83%.
Nagulat ang fans lalo’t consistent sa challenges si Shuvee at kilala bilang isa sa pinaka-kompetitibong housemates, gaya nina Emilio at Michael (MiLi) na na-evict rin kamakailan kahit panalo sa lingguhang task.
Bukod sa pagiging matatag na player, si Klarisse ay inaasahan din sa kusina — kaya tanong ng marami: sino na ang magluluto ng ulam?! Nagpakitang-gilas kasi si Klang sa pagbubuo ng masarap at budget-friendly meals tuwing kapos ang weekly budget.
Bago umalis, nag-iwan pa ng katatawanan si Klang:
“Wala silang ulam sa loob!” — sabay hagikgikan ng mga tao sa studio at netizens online.
Ngayon, tatlong linggo na lang ang natitira sa show at usap-usapan na kung sino ang susunod na magpapakitang-gilas, lalo na’t wala na si Shuvee — na dating matinding karibal ni Ralph sa mga tasks.