Sa panayam sa Fast Talk with Boy Abunda noong Nobyembre 25, tinanong ni John Arcilla ang motibo ng mga artistang tumatakbo sa pulitika.
“Maglilingkod ba talaga o gusto lang yumaman?” diretsahang tanong ni Arcilla. Para sa kanya, ang pulitika ay para sa serbisyo, hindi para sa kayamanan.
Inamin din ni Arcilla na muntik na siyang tumakbo bilang konsehal noon, pero hindi natuloy dahil sa kaniyang TV commitments. Sa biro niya, “Wala na akong stamina sa edad kong 28!”
Ngayong 2025 midterm elections, maraming celebrities ang sasabak sa politika, kabilang sina Arjo Atayde, Vilma Santos, Willie Revillame, at Nora Aunor.