Si Sandro Muhlach, anak ng aktor na si Niño Muhlach, ay nagsumite ng pormal na reklamo sa pamunuan ng GMA Network laban sa mga independent contractors nito na sina Jojo Nones at Richard Cruz.
Ayon sa opisyal na pahayag ng Kapuso network noong Huwebes, Agosto 1, “Nakatanggap ang GMA Network ng pormal na reklamo mula sa Sparkle artist na si Sandro Muhlach laban sa dalawang independent contractors ng GMA, sina Jojo Nones at Richard Cruz.”
“Kinilala ang seryosong insidente, agad nang nagsimula ang GMA Network ng sarili nitong imbestigasyon bago pa man matanggap ang pormal na reklamo,” dagdag pa nila.
Hiniling ni Sandro na panatilihing kumpidensyal ang imbestigasyon, kaya’t “ang mga detalye ng pormal na imbestigasyon ay mananatiling lihim hanggang sa ito’y matapos.”
Tiniyak ng GMA na patas at walang kinikilingan ang kanilang gagawing imbestigasyon.
Bagamat walang nabanggit na tiyak na insidente sa pahayag, matatatandaang nagbigay ng pahayag ang GMA tungkol sa blind item na nagsasaad ng pang-aabuso sa isang batang aktor matapos ang gala night ng network.
Lumabas ang mga espekulasyon na si Sandro ang tinutukoy, lalo na’t may mga cryptic post sina Niño at ang kanyang asawa tungkol sa paghahanap ng “hustisya.” Nagbahagi rin si Sandro ng religious quote tungkol sa “mga walang magawa.”