Opisyal na ngang Kapuso si Sam Concepcion! At hindi lang basta-basta ang kanyang debut project — pasabog agad sa upcoming teleseryeng “Beauty Empire”, isang joint production ng GMA Network, VIU Philippines at Creazion Studios.
Ayon kay Sam, matagal na siyang may natatanggap na TV offers, pero “Beauty Empire” ang unang proyekto na talagang kumiliti sa kanyang creative soul.
“Fresh, bold, at very now ang konsepto,” ani Sam. “Swak sa kung nasaan ako ngayon, both creatively and personally.”
Mas lalo pa siyang na-excite nang malaman niyang makakatrabaho niya si Barbie Forteza, na matagal na niyang hinahangaan lalo na matapos mapanood ito sa Maria Clara at Ibarra.
“Grabe ‘yung depth ng acting niya. Sobrang totoo at layered. Kaya excited na akong makita kung anong chemistry ang mabubuo namin sa show.”
Bukod kay Barbie, magiging reunion din ito para kay Sam at director Mark Sikat de la Cruz, na dati na niyang nakatrabaho sa ABS-CBN.
“May tiwala ako kay Direk Mark. Lagi niya akong na-cha-challenge at napapabuti bilang aktor.”
Ang “Beauty Empire” ay umiikot sa glitz and drama ng beauty and lifestyle industry — kung saan hindi lang ganda ang labanan, kundi pati power, ambition at identity. Wala pang detalyeng ibinibigay sa role ni Sam, pero asahan daw ang romansa, intriga, at mga pasabog na siguradong tututukan.
Makakasama rin sa powerhouse cast sina Ruffa Gutierrez, Kyline Alcantara, Gloria Diaz, Choi Bo Min, Chai Fonacier, Isay Alvarez, at Sid Lucero.
Sa kombinasyon ng big names, fresh concept, at top-tier production, tiyak na ang “Beauty Empire” ay isang game-changer sa primetime TV — at isang perfect match sa bagong Kapuso chapter ni Sam.