Walang kahirap-hirap na tumuloy sa second round ng French Open 2025 si World No. 1 Aryna Sabalenka, matapos tambakan si Kamilla Rakhimova ng Russia, 6-1, 6-0. Tumagal lang ng isang oras ang laban, kung saan lima beses niyang nabasag ang serve ng kalaban — isang matatag na panimula para sa kanyang kampanya sa Paris.
Sunod niyang makakaharap si Jil Teichmann ng Switzerland o Italian qualifier Lucrezia Stefanini para sa tiket sa Round of 32. Bagamat hindi pa siya umaabot sa final ng Roland Garros, may tsansa siyang umabante ngayong taon lalo’t hindi pa rin sigurado ang porma ng defending champ na si Iga Swiatek.
Samantala, hindi pinalad si Alex Eala sa kanyang debut sa Roland Garros main draw. Matapos ang magandang pagbawi sa second set, natalo ang Filipina tennis ace sa isang dikdikang tatlong-set match kontra kay Emiliana Arango ng Colombia, 0-6, 6-2, 3-6.
Sa ibang balita, isang makasaysayang tribute ang inihandog ng Roland Garros para sa “King of Clay” na si Rafael Nadal, na opisyal nang nagretiro. Si Nadal ay may hindi matatawarang 112-4 win-loss record sa Paris at 14 na French Open titles — isang rekord na malabong mahabol sa kasaysayan ng tennis.
Matapos ang huling salang niya noong 2023, pormal siyang nagpaalam sa Court Philippe Chatrier — isang emosyonal na sandali para sa fans. Ngayong taon, Carlos Alcaraz ang inaasahang magdadala ng bandila ng Spain at susubukang sundan ang yapak ng kanyang tennis idol.