Sa emosyonal na pagbabalik ni Luka Doncic sa Dallas, hindi naging hadlang ang luha para magpaulan ng 45 puntos kontra sa dati niyang team. Pinangunahan niya ang Los Angeles Lakers sa 112-97 panalo laban sa Mavericks, sabay sigurado ang pwesto sa NBA playoffs!
Bago ang laro, binigyan ng standing ovation si Doncic ng 20,000 fans sa American Airlines Center. May tribute video pa at mga T-shirt na may nakasulat na “Thanks for Everything” sa Slovenian. Halos maiyak na si Luka habang niyayakap siya ni LeBron James.
Pero pagkatapos ng drama—game mode on!
Sumabog agad si Luka ng 14 points sa unang quarter, dagdag 17 sa second. Sa huli, nagpaalam siya sa Dallas fans gamit ang matinding tres, bago lumabas ng court na tinayuan ng buong arena.
Ang saya ng fans? Napalitan agad ng sigaw na “Fire Nico!”—tinutukoy ang GM ng Dallas na nag-trade kay Luka kapalit ni Anthony Davis.
Sabi ni Doncic, “Ang hirap pigilan ng emosyon. Pero suportado ako ng teammates. Mahal ko pa rin ang fans at ang siyudad, pero panahon na para mag-move on.”