Nahaharap sa isang kontrobersyal na usapin ang sikat na direktor na si James Cameron matapos siyang akusahan ng isang aktres na diumano ay nagnakaw ng kanyang pisikal na hitsura para sa isang karakter sa pelikulang Avatar. Ang naturang aktres na si Cheyenne Rouleau ay naglabas ng kanyang saloobin sa social media kung saan ipinakita niya ang mga pagkakahawig ng kanyang mukha sa karakter na si Neytiri na ginampanan ni Zoe Saldana sa pamamagitan ng motion capture.
Ayon kay Rouleau, naniniwala siya na ang kanyang mga natatanging facial features ay ginamit bilang basehan sa paglikha ng mukha ng mga Na’vi nang hindi siya binibigyan ng kaukulang pagkilala o bayad. Ibinahagi niya na noong siya ay mas bata pa, nagkaroon siya ng pagkakataong makatrabaho ang ilang tao sa industriya na may koneksyon sa produksyon, at dito niya hinuha na posibleng doon nakuha ang kanyang mga larawan na ginamit sa disenyo ng pelikula.