Sa wakas! Matapos ang 17 tries at 11 taon ng paghihintay, tuluyan nang isinulat ni Rory McIlroy ang pangalan niya sa kasaysayan ng golf matapos niyang makuha ang Masters title at kompletuhin ang career Grand Slam nitong Linggo sa isang matinding playoff kontra kay Justin Rose.
Emosyonal ang eksena—umiiyak si McIlroy habang sinusundan ang four-foot birdie putt sa playoff hole para ma-secure ang panalo. Ang green jacket na matagal niyang pinapangarap, kanya na rin sa wakas!
“This is my 17th time here… I was wondering if it would ever be my time,” ani McIlroy. “It feels incredible.”
Kahit tatlong beses siyang nadulas sa solo lead sa final round, bumawi si Rory sa sudden death playoff matapos mamiss ang winning par sa 72nd hole. Ibinagsak niya ang bola sa bunker, nakalabas ng limang talampakan, pero nagmintis ang putt. Playoff time!
Sa playoff hole, nauna si Rose na mag-birdie sa regulation, pero sa extra play, siya naman ang nagmintis. Si Rory? Saktong-sakto ang tira, at doon na sumabog ang emosyon.
“My battle today was with myself,” sabi ni Rory. “I’ve dreamed about that moment for as long as I can remember.”
Ngayon, kasali na siya sa elite group na may apat na major titles: Jack Nicklaus, Tiger Woods, Gary Player, Gene Sarazen, at Ben Hogan. Legendary company!