Body Isang mainit na away sa kalsada sa Antipolo ang humantong sa trahedya noong Linggo, Marso 30, matapos barilin ng isang driver ang tatlong tao.
Kinilala ang suspek bilang si “Kenneth,” 28, na nahuli sa isang checkpoint sa Masinag matapos subukang tumakas sakay ng kanyang itim na Toyota Fortuner. Ayon sa pulisya, nagsimula ang gulo bandang 5 p.m. nang makipagtalo siya sa ilang indibidwal, bago bumunot ng baril at magpaputok.
Tatlong biktima ang tinamaan:
- “Peter,” 52 – tinamaan sa ulo
- “Patrick,” 22 – tinamaan sa kanang braso
- “Davis,” 29 – tinamaan sa dibdib habang sumusubok umawat
Agad silang isinugod sa Cabading Hospital.
Kumalat online ang mga video ng insidente, kung saan makikita si Kenneth na nakikipagsuntukan sa isang motorcycle rider bago bumunot ng baril. Makikita rin siyang buhat ang isang babae patungo sa kanyang sasakyan, na tila nasaktan din sa insidente.