Simula sa Agosto 31, magmumulta ng hanggang P5,000 ang mga motorista na walang electronic toll collection (ETC) device kapag pumasok sa expressways, ayon sa Toll Regulatory Board (TRB).
Sa bagong regulasyon, ang unang paglabag ay may multa na P1,000, P2,000 sa pangalawa, at P5,000 sa mga susunod na paglabag. Para naman sa mga walang sapat na load balance, ang multa ay P500 sa unang offense, P1,000 sa pangalawa, at P2,500 sa mga susunod.
Ipinatupad ito ng TRB kasama ang Land Transportation Office at Department of Transportation upang mapabilis ang daloy ng trapiko at maiwasan ang matagal na pila sa toll gates.
Nais ng TRB na tiyakin ang tamang paggamit ng ETC at load balance sa lahat ng motorista upang mapanatili ang kaayusan at maiwasan ang abala sa mga responsable at compliant na toll users.