Dating Bamban Mayor Alice Guo, nanindigang not guilty sa kasong material misrepresentation sa korte sa Tarlac.
Sa kanyang arraignment kahapon sa Capas RTC Branch 66, kinumpirma ng abogado niyang si Stephen David ang pahayag: “She pleaded not guilty.”
Inakusahan si Guo ng Comelec ng paglabag sa Omnibus Election Code dahil sa pag-file ng candidacy noong 2022 kahit umano’y Chinese citizen siya. Sinasabing tumugma ang fingerprints niya sa isang babaeng Chinese na si Guo Hua Ping.
Ayon kay Comelec Chair George Garcia, “Hindi inaasahan ang plea, pero magsisimula pa lang ang proseso. Pursigido kami hanggang dulo.”
Bukod sa kasong ito, nahaharap din si Guo sa graft, human trafficking, money laundering, tax evasion, at iba pang reklamo. Siya’y nakakulong ngayon sa Pasig City jail at iniimbestigahan din sa koneksyon umano niya sa POGO operators.