Isang araw matapos ang kanyang inauguration mass, pormal na tinanggap ni Pope Leo XIV sina US Vice President JD Vance at US Secretary of State Marco Rubio sa Vatican nitong Lunes.
Ipinakita ng Vatican ang mga larawan nina Vance at Rubio na masayang nakipagkamay sa bagong Santo Papa, na ipinanganak sa Chicago at nahalal bilang pinuno ng 1.4 bilyong Katoliko noong Mayo 8.
Matapos ang pagbisita kay Pope Leo, nakipagpulong si Vance kay Paul Richard Gallagher, ang kalihim ng ugnayang panlabas ng Vatican. Sa kanilang cordial talks, tinalakay ang magandang ugnayan ng US at Vatican, pati na ang mga isyu tulad ng kalayaan sa relihiyon at mga global conflict, kung saan iginiit ang kahalagahan ng humanitarian at international law.
Kasama sina Vance at Rubio sa 200,000 kataong dumalo sa St. Peter’s Square noong Linggo para sa opisyal na pagsisimula ng papado ni Leo XIV.
Bagamat dati ay umani ng batikos mula kay Leo (bilang pribadong mamamayan noon) ang administrasyon ni dating US President Donald Trump at maging si Vance mismo, sinabi ni Vance na buong suporta pa rin ang dala nila para sa bagong Santo Papa.
“We’re very proud of him,” ani Vance, sabay banggit ng kanilang panalangin para sa bagong yugto ng pamumuno ni Pope Leo, sa isang pulong kasama sina EU chief Ursula von der Leyen at Italian PM Giorgia Meloni.