Tinanggap ni PNP Chief Gen. Nicholas Torre III ang hamon ni Davao City Mayor Sebastian “Baste” Duterte para sa isang “charity boxing match” na layong makalikom ng pondo para sa mga biktima ng bagyo at baha.
Inalok ni Torre ang laban ngayong Linggo sa Araneta Coliseum, na may sponsor kada round upang mas malaki ang maipon para sa tulong.
“Magandang pagkakataon ito para makatulong sa kababayan natin,” ani Torre.
Nag-ugat ang hamon matapos punahin ni Baste ang mabilis na pag-angat ng ranggo ni Torre at ang pag-aresto sa dating pangulong Rodrigo Duterte.
Tiniyak ni Torre na magiging ligtas ang laban at lahat ng kikitain ay ibibigay sa charity.