Nagbabala ang Philippine Consulate General sa Los Angeles sa mga Pilipino sa Southern California na apektado ng wildfire. Pinayuhan ang lahat na maghanda at sumunod agad sa evacuation orders ng mga awtoridad.
Ayon sa advisory noong Huwebes, kabilang sa mga lugar na apektado ang Los Angeles County, Riverside County, at Ventura County.
“Patuloy na nakikipag-ugnayan ang Konsulado sa mga lokal na awtoridad at mino-monitor ang sitwasyon ng mga Pilipino sa mga apektadong lugar,” ayon sa pahayag. Ang mga nangangailangan ng tulong ay maaaring tumawag sa (323) 528-1528.
Batay sa ulat ng California Department of Forestry and Fire Protection noong Enero 8, 2024, patuloy na pinalalaki ng malalakas na Santa Ana winds ang mga wildfire. Ang Palisades Fire (malapit sa Malibu) at Eaton Fire (malapit sa Pasadena) ay parehong lumawak na sa higit 10,000 acres bawat isa.
Hinihikayat ang mga kababayan na manatiling alerto, sundan ang mga balita, at tiyaking ligtas ang kanilang mga pamilya habang naghahanda sa anumang posibleng peligro.