Pangunahan ni Philippine Olympic Committee (POC) president Abraham “Bambol” Tolentino ang 20-atletang delegasyon ng Pilipinas patungong Harbin, China para sa ika-9 na Asian Winter Games!
“Naniniwala akong may maipapakita ang ating winter sport athletes. Hindi man sa medalya, pero sa exposure at karanasang kailangan natin habang tinutulak natin ang kampanya para sa Winter Olympics,” ani Tolentino.
Magsisimula ang Harbin Games sa engrandeng opening ceremony ngayong Biyernes sa Harbin International Convention Exhibition and Sports Center at tatagal hanggang Pebrero 14.
Sino-sino ang pambato ng Pilipinas?
🏔 Alpine Skiing – Francis Ceccarelli at Tallulah Proulx (slalom)
🏂 Snowboarding – Laetaz Amihan Rabe (free ski slopestyle, big air, halfpipe)
⛸ Short-track Speed Skating – Peter Groseclose
⛸ Figure Skating – Isabella Gamez & Alexander Korovin (pairs), Paolo Borromeo, Cathryn Limketkai, Sofia Frank
🥌 Curling – Benjo Delarmente, Alan Frei, Christian Haller, Enrico Pfister, Marc Pfister (men’s team)
🥌 Curling – Anne Bonache, Kathleen Dubberstein, Leilani Dubberstein, Sheila Mariano, Jessica Pfister (women’s team)
Handa na ang Team Pilipinas na ipakita ang galing ng Pinoy sa yelo—abangan at suportahan ang ating mga atleta! ❄🇵🇭