Pinagtibay ng Pamahalaan ng Pilipinas ang Karapatan sa Pinalawak na Continental Shelf ng Kanlurang Palawan
Ipinahayag ng pamahalaan ng Pilipinas ang pagtibay nito sa karapatan sa pinalawak na continental shelf sa Kanlurang Palawan nitong Huwebes ng hapon, ayon sa Department of Foreign Affairs (DFA).
Sa isang pahayag, sinabi ng DFA na kanilang napansin ang pagsumite ng Vietnam sa United Nations Commission on the Limits of the Continental Shelf noong Hulyo 17, 2023.
Ngunit binigyang-diin ng DFA na nananatiling matatag ang Pilipinas sa karapatan nito sa pinalawak na continental shelf sa Kanlurang Palawan, na naaayon sa mga maritime entitlements nito sa ilalim ng United Nations Convention on the Law of the Sea (UNCLOS).
“Gayunpaman, kinikilala namin ang karapatan ng Vietnam, bilang isang coastal State na kagaya ng Pilipinas, na magsumite ng impormasyon upang itakda ang panlabas na hangganan ng kanilang continental shelf lampas sa 200 nautical miles mula sa kaugnay at legal na baselines mula sa kung saan sinusukat ang kanilang territorial sea, ayon sa itinadhana ng UNCLOS,” paliwanag ng DFA.
Dagdag pa ng DFA, handa itong makipag-ugnayan sa Vietnam upang makahanap ng “kapwa kapaki-pakinabang na solusyon sa mga isyu sa South China Sea.”