Hawak ang depensa ni Mike Phillips, nalampasan ng La Salle Archers ang matinding laban kontra FEU Tamaraws, 58-53, para sa ika-walong sunod na panalo sa UAAP Season 87.
Nagpakitang-gilas si Phillips sa fourth quarter, kumana ng 11 sa kanyang 17 puntos, kasama ang personal na 8-0 run sa huling minuto para agawin ang panalo mula sa 12-point deficit noong unang half. Kumamada rin siya ng 15 rebounds, 5 steals, at 2 blocks sa kanyang all-around performance.
Nahirapan man ang MVP na si Kevin Quiambao na makabuo ng opensa (2-of-17 shooting), tumulong pa rin siya sa rebounds at depensa kasama ang rookie na si Doy Dungo.
Ayon kay coach Topex Robinson, “Saludo kami sa FEU at kay Coach Sean Chambers. Napilitang kaming mag-grind sa end game, pero nag-step up kami sa huling minuto para makuha ang panalo.”
Sa ibang laro, nakaligtas sa elimination ang National U (4-8) sa isang comeback win kontra Santo Tomas, 67-62, upang manatiling buhay ang tsansang makapasok sa Final Four.