Handa nang magpaalam nang bongga ang Paris sa Olympics noong Linggo (Lunes ng umaga sa Manila) sa kanilang matagumpay na pagho-host ng global sporting event.
Nagsimula ang star-studded closing ceremony sa harap ng 71,500 spectators sa Stade de France, pinapakita ang isang event na tinaguriang isa sa pinakadakilang edisyon ng Olympics.
Umabot sa 270 artists at performers ang nagpakitang-gilas sa punong-punong arena, habang tinatayang 9,000 atleta ang nagmartsa papasok sa venue.
Sinimulan ang seremonya ng swimming hero ng France na si Leon Marchand, na nagwagi ng apat na gintong medalya, habang dala ang Olympic flame mula sa cauldron sa sentro ng Paris patungo sa Stade de France.
Ang nakasisilaw na closing spectacle ay hudyat ng apat na taong countdown patungo sa Los Angeles Olympics, kung saan inaasahan si Hollywood star Tom Cruise na magpapakita sa segment na magbibigay-pasilip sa 2028 Games sa California.
Ang seremonya ang huling yugto ng 17 araw ng kamangha-manghang sporting action na isinagawa sa mga iconic na lugar ng Paris mula Eiffel Tower hanggang Chateau de Versailles.