Inanunsyo ni Israeli Prime Minister Benjamin Netanyahu na magpapadala siya ng negotiating team sa Qatar ngayong Linggo para sa pag-uusap ukol sa tigil-putukan sa Gaza.
Tinanggihan ng Israel ang mga pagbabago sa ceasefire proposal ng Hamas, ayon sa pahayag mula sa opisina ni Netanyahu. “Ang mga pagbabagong nais ipasok ng Hamas sa Qatari proposal ay hindi katanggap-tanggap para sa Israel,” sabi ng pahayag.
Gayunpaman, ipinag-utos ni Netanyahu na tanggapin ang imbitasyon para sa proximity talks at ipagpatuloy ang negosasyon para sa pagpapalaya ng mga bihag batay sa Qatari proposal na tinanggap na ng Israel.
Samantala, sinabi ng Hamas nitong Biyernes na handa na silang agad na magsimula ng pag-uusap sa US-sponsored na proposal para sa ceasefire sa Gaza.
Nakatakdang makipagpulong si Netanyahu kay US President Donald Trump sa Washington sa Lunes, habang patuloy ang pagtulak ng Amerika na wakasan ang halos 21 buwang digmaan sa Gaza.