Nahuli ang dalawang tulak ng droga noong Martes, Setyembre 24, sa Barangay Divisoria, Zamboanga City, kung saan nasabat ang P6.8 milyon halaga ng shabu.
Ayon kay Maharani Gadaoni-Tosoc, direktor ng Philippine Drug Enforcement Agency-9 (PDEA-9), kinasuhan na ang mga suspek na sina Junny Duke Rojas Bariño, 26, at Shadhi Lim Abdua, 24, dahil sa paglabag sa Comprehensive Dangerous Drugs Act of 2002.
Agad na inaresto ng mga PDEA-9 agents at pulis ang dalawa matapos tanggapin ang isang kilong shabu, na nagkakahalaga ng P6.8 milyon, sa isang buy-bust operation.
Ang operasyon ay naisagawa sa tulong ng mga tauhan ni Brig. Gen. Bowenn Joey Masauding, direktor ng Police Regional Office-9.