Sa isang checkpoint sa Tigbao, Zamboanga del Sur, nakuha ng pulisya ang P20 milyong halaga ng mga smuggled na sigarilyo mula Indonesia. Ayon sa mga ulat, tinip-off sila ng mga lehitimong cigarette dealers na may kargamentong 350 kahon ng imported na sigarilyo.
Hindi nakapagpakita ng importation documents ang truck driver at helper kaya sila ay nahuli at ini-imbestigahan na sa Tigbao police station. Ang mga smuggled na sigarilyo ay ipapasa sa Bureau of Customs.
Samantala, sa Nueva Ecija, nakuhanan din ng P1.3 milyong halaga ng smuggled cigarettes ang isang van sa Zaragoza, at ang driver ay kakasuhan sa ilalim ng Intellectual Property Code.