Olympic gymnast na si Levi Jung-Ruivivar, excited na pasukin ang showbiz matapos pumirma ng kontrata sa Viva Artists Agency. Anak ng mga aktor na sina Anthony Ruivivar at Yvonne Jung, natural kay Levi ang interes sa entertainment industry.
Ayon kay Levi, bata pa lang siya, hilig na niya ang pag-arte at pagiging aktibo sa social media. Ngayon, handa na siyang subukan ang acting, modeling, at endorsements. “Naniniwala akong makakatulong ang Viva para maabot ko ang mas malalaking pangarap ko, lalo na dito sa Pilipinas,” sabi ni Levi.