Pinoy pride sa ‘Guts’ tour! Ipinakita ni Olivia Rodrigo kung bakit proud Pinay siya sa kanyang sold-out concert sa Philippine Arena, Bocaue, Bulacan.
Sa acoustic session, sinabi ni Olivia sa 55,000-strong crowd, “Proud Pinay ako,” na ikinatuwa ng mga fans.
Dagdag pa niya, “My Tagalog wasn’t that good but I’m working on it,” habang suot ang sash na may nakasulat na “Miss So Filipina” at top na may “Pinoy Pride.”
Sinimulan niya ang show sa “Bad Idea Right?” at “Ballad of A Homeschooled Girl,” at pinasaya ang crowd sa mga hit songs na “Vampire,” “Traitor,” at “Drivers License.”
Nagdala ng sorpresa si Olivia nang sumakay siya sa moon habang kumakanta ng “Logical” at “Enough For You.”
Sa walang tigil na kantahan, tumodo pa siya ng performances ng “Deja Vu,” “Brutal,” at marami pang iba, bago sinara ang gabi sa kanyang hits na “Good 4 U” at “Get Him Back.”